AFISA TAALUMA DODOMA MATATANI DHIDI YA WAANDISHI WA HABARI.

Na John Banda, Dodoma.

Afisa  Elimu Taaluma wa manispaa ya Dodoma Suma Mwampulo amejiingiza katika mgogoro na waandishi wa habari baada kuwafukuza wasifanye majukumu yao na kuwajibu majibu mabaya.

Hali hiyo ilijitokeza wakati wa semina ya kuwajengea uwezo walimu wanaofundisha masomo manne kwa Darasa la saba na kidato cha nne iliyofanyika ukumbi wa Dodoma sekondari.

Ofisa huyo alianza kufanya kazi ya kutoa waandishi mmoja kwa mwingine katika ukumbi huo walipokuwa wameenda kusikiliza malalamiko ya walimu waliokuwa wamegoma kuendelea na semina hiyo kutokana na kutolipwa posho zao.

Suma aliwatoa nje waandishi hao huku akiwataka kutorudi wala kufuatilia mararamiko ya walimu hao waliokuwa wakidai 125,000 kwa kila mmoja huku akidai hiyo siyo habari hivyo wafuate mambo yao.

Kwa upande wao waandishi waliofika katika ukumbi huo Hamida Ramadhan [TZ. Daima], Jonas Marios [Dayilnwes], Abdalla Rashid [Zenji FM], Mariam Kasawa [Dodoma FM.] walisema kitendo cha Ofisa huyo si cha kiungwana.

Walisema kitendo alichoonyesha Ofisa huyo ni kujua wajibu wake, huku wakiongeza kuwa mtu anaeonyesha hofu kwa wanahabari lazima atakuwa na tatizo kiutendaji ndiyo maana anajihami wakati wote.

Kwa upande wa walimu walisema wao hawawezi kuendelea na Mafunzo hayo kutokana na kukosa Fedha za kujikimu, hali iliyowanya wengi wao kulala wanne kwenye nyumba za kulala wageni.

Walimu waliongeza kuwa tangu mwanzo wa semina hiyo waliahidiwa kupewa tsh. 25,000 kwa siku tano zinazoishia Ijumaa lakini baada ya kuhoji kuhusu kuchelewa kwa mailipo hayo walisema wanatishiwa.

Huku wakisisitiza majina yao kutitajwa Gazetini walitanabaisha kuwa wanaogopa kujulikana kwani Ofisa Taaruma huyo akiambiwa ukweli kuhusu masrahi ya walimu huwa anamtafuta aliyeanzisha na kumwandikia Barua za kumhamishia kijijini zaidi

''Sikia mwandishi mimi naitwa mwl, wa shule jina tunalo lakini sitaki kutajwa gazetini, huyu Suma huwa akiambiwa ukweli anafuatilia akijua ni nani unashtukia Barua ya uhamisho kijijini utajijua mwenyewe'', alisema mmoja wa walimu hao

Semina hiyo iliyoanza Jumatatu wiki hii ilikuwa inalenga kupandisha kiwango cha ufaulu kwa Darasa la saba na kidato cha 4 ambayo matokeo yake yamekuwa yakiporomoka mwaka hadi mwaka.