KUNDI LA MRC LASHUTUMIWA KWA MASHAMBULIZI NCHINI KENYA.

Polisi nchini Kenya inaeleza kwamba washambuliaji wamewauwa watu 29 huko Lamu na Tana River. Polisi inasema wahusika wa shambulio hilo ni wanachama wa kundi la Mombasa Republic Council-MRC ingawa kundi la wanamgambo wa Al-Shabab kutoka Somalia linadai kuhusika.

Vyombo vya habari vya kenya vinamnukuu naibu inspeka mkuu wa polisi Grace Kaindi akisema jumapili kwamba watuhumiwa wakuu ni wanachama wa MRC na kwamba malengo yao huwenda yakawa ni ya kisiasa, kikabila au suala la mashamba. "Kundi la kiasi cha watu 30 hadi 50 waliwashambulia maafisa wa polisi waliokua katika kituo cha polisi cha Gamba . kulikuwepo na mashambulizi makali. Na kundi moja la washambuliaji walifanikiwa kuingia ndani ya kituo na kuwauwa watu watano waliokua wanashikiliwa huko. Afisa moja wa polisi aliuliwa na wawili kujeruhiwa